portada
       concertos
       novas
       discos
       crónicas
       artistas do país
       webs amigas

          actualizacións
05/08/2020
nace o festival Sons da Canteira, que terá lugar o próximo 29 de agosto na Canteira de Vilafría (Porriño).
04/08/2020
o IV festival Jazz de Ría programará tres noites de jazz galego no Cantón de Molíns
08/07/2020
á venda as entradas para o festival SinSal Litoral Estrella Galicia
05/07/2020
Guadi Galego e Xabier Díaz & Adufeiras de Salitre en Pontevedra, 4-xullo-2020
02/07/2020
As salas de concertos galegas preocupadas pola viabilidade do sector
02/07/2020
volve o Atardecer no Gaiás [9 xullo ao 13 setembro]
J Teixi Band “Letra y música (2000/2018)”


Este dobre CD compilatorio coincide coa publicación do dobre vinilo "Memorias de un tren", que repasa e reivindica a traxectoria dos míticos Mermelada, xerme canda Los Elegantes do proxecto que protagoniza estas liñas. Sempre desde Madrid, varios músicos destas dúas bandas referentes de sons estadounidenses en castelán colleron o testemuño coa chegada do novo século e baixo o nome do seu principal compositor: Javier Teixidor. Desde que comezou o século, a J. Teixi Band son probablemente a formación española máis solvente e sólida na aliaxe de rhythm and blues, soul e rock. Se no 2011 editaran só un repaso da súa etapa Warner (até entón os álbumes “New crónicas”, “Voodoo Bar” e “Hazme una seña”), agora si que fan xustiza a case dúas décadas de traxectoria.

Nesta colección de 34 cortes non faltan éxitos como “Un beso mas”, ”Yo ya no soy”, “Es cruel”, ”Yo quiero ser”, “Psychedelic Sally”, “Rosas rojas”, “No quiero escapar”... mais ten que haber algún agasallo máis e por iso esta edición engade o reclamo de novas mesturas, remasterizados, temas ao vivo, unha toma alternativa de “Yo ya no soy” e cinco gravacións novas: “I don”t wanna go home" (coa voz de Velma Powell), “Ahora y siempre”, “Blues del carbón", “Un beso más” e “Mundo extraño”. Äs xa editadas nada cómpre engadir, pero das novas o mellor que se pode dicir é que soan tan directas e efectivas como nos teñen acostumados. Se non os coñeces, aproveita este traballo e as súas dúas paradas en Galiza esta semana. As súas facetas de estudio e directo fanse xustiza mutuamente.

Pepe Cunha, 2-decembro-2019



Escoitar Abrete de Orellas nas ondas
vitaminasparaogalego
Gaudi Galego - Pepe Cunha - Edicions Embora
musicosaovivo