portada
       concertos
       novas
       discos
       crónicas
       artistas do país
       webs amigas

          actualizacións
08/06/2022
Seso Durán "Ascensión"
20/05/2022
Os abonos do Sinsal SON Estrella Galicia 2022 sairán á venda o vindeiro xoves 26 de maio
18/05/2022
Holgado "O fillo de Suso"
12/05/2022
Ilegales, J. P. Bimeni, Al Dual, De Vacas e Adrián Costa Blues Band actuarán no FiBE 22
11/05/2022
A artista canadense Kee Avil, a banda chilena Newen Afrobeat e a artista española Verde Prato conforman o regreso do ciclo Liberdades Sonoras a Lugo
04/05/2022
Devalo "Luz / sombra"
A artista canadense Kee Avil, a banda chilena Newen Afrobeat e a artista española Verde Prato conforman o regreso do ciclo Liberdades Sonoras a Lugo

nota:

A artista canadense Kee Avil, a banda chilena Newen Afrobeat e a artista española Verde Prato conforman o regreso do ciclo Liberdades Sonoras a Lugo

O ciclo comezará o sábado 21 maio coa artista canadense Kee Avil, que combina guitarra, voz, electroacústicas e música electrónica.

O Vello Cárcere de Lugo recupera o ciclo Liberdades Sonoras despois de dous anos de parón obrigado debido a la pandemia.

O ciclo Liberdades Sonoras, que regresa despois de dous anos de parón obrigado debido á pandemia, abrirase o sábado 21 de maio co concerto de Kee Avil, proxecto da artista multidisciplinar Vicky Mettler e unha das apostas do prestixioso selo canadense Constellation. O concerto será a presentación, por primeira vez en Europa, do seu álbum debut, Crease. A canadense combina guitarra, voz, electroacústicas e electrónica cunha gran exploración das diferentes arquitecturas compositivas para crear cancións dunha gran sensibilidade estrutural, con detalles crecentes e intensos.

Continuará o venres 3 de xuño co concerto da banda chilena Newen Afrobeat, referente deste estilo musical a nivel mundial e conformada por 13 músicos en escena. A súa música é unha fusión de afrobeat con música latina e funk, con cancións cheas de mensaxe social en defensa dos territorios e as comunidades. Unha verdadeira festa familiar de música, danza e conciencia social e que nesta xira presentará nova música.

O ciclo pechará o sábado 25 de xuño co concerto de Verde Prato, gañadora do Premio MIN 2022 a mellor disco en euskera polo seu álbum debut, Kondaira eder hura. É expoñente dunha xeración de artistas novos que están a recuperar a tradición vasca para levala a lugares insospeitados, sorprendentes e emocionantes, cruzando na súa música cantos populares e litúrxicos con música electrónica. Verde Prato acaba de publicar a principio deste mes de maio o seu novo EP, Jaikiera, que recibiu grandes eloxios da crítica nacional.

Liberdades Sonoras pretende atraer a Lugo propostas arriscadas e innovadoras, difíciles de ver nas programacións habituais das salas de concertos, para dar protagonismo e novas lecturas ao lugar que as acolle.

As tres citas abrirán as súas portas ás 20:00, e son de acceso libre ata completar aforo. A organización corre ao cargo de WORK ON SUNDAY e CLAP, co apoio da Área de Cultura, Turismo e Promoción da Lingua do Concello de Lugo.



Escoitar Abrete de Orellas nas ondas
vitaminasparaogalego
Gaudi Galego - Pepe Cunha - Edicions Embora
musicosaovivo